أحساس صدق المشاعر

توي عرفت أحساس صدق المشاعر---أحساس من عانى بلا مبتلابه----في ليلتن قمرا وسرب الخواطر----يزخم كما سيل ن حدر من جنابه----سيلن يزوم ولا تراه النواظر----وفي داخلي حالة طواري مجابه----غيري يقول انه سراب ن وعابر---وانا على سرري وصكيت بابه---ابيع واشري بس ماني بتاجر----وأقول في قصرن وانا في خرابه----وفكري مسيرني وبالحيل شاطر----وأنا الفتى اللي بعززة شبابه----واقول فيه أصحاب ماني مهاجر----واليا رأوني قيل يامرحبابه----وعندي عيال وعزوة ن للمخاطر---واهلي وناسي كلهم لي قرابه-----وأغطي أحزاني بطيف البشاير____وأقول يانفسي تراني صبابه_____أنا الصدوق اللي به الصدق باير-----وانا ألأمين اللي حلاله نهابه-----وانا الدوى اليا عمنن البصاير-----والداء لمنهو مهتوي له طلابه-----أعرف سجاياها ونبط الظماير-----والحدس نظمته وعندي كتابه-----وعندي خريطة عقل ماني بحاير-----والاعب أفنون الهوى والنجابه-----واجلس مجالس طيبين السواير-----فزاع في كل المواقف واجابه-----ومع كل هذا في بلايه وصابر-----صبر الشجيع اللي يداري صوابه-----واعيش بأحساس العمى كان ساير-----وبأحساس مقعد يوم تمطرسحابه-----واللا كما اللي فالصحاري يذاير-----واقصى همومه شربه ابظل غابه-----ومفارق الخلان أم الكباير----مافيه حال الا وشارك عذابه-----واحس بأحساس ن لسؤ المصاير-----وقضيت ليلي مثل عازف ربابه -----أفكار أوردها وألأخرى صداير-----كني مكاتب عدل والا طبابه -----واوحت لي أعيون براسي سهاير-----ان السهر ضرر ولمثلي معابه-----واصغيت للأيحاء وعقلي يخاير-----وبين الرجا واليأس مثل الضبابه-----ورفعت الأيدي والنظر يم قادر----وقلت ياربي عليك المثابه----وجالي مع الألهام حس ن مغاير-----يصهل صهيل الخيل للي مشابه-----واخذت صهوة ذا الجواد المساير-----بعد أعتليته واستويت ابركابه-----ماكني الافوف بركان ثاير-----وأعناية الله مطلبي والرجابه-----ونفسي تمنيني ولي عقل شاير-----والشيخ للضدين فاتح كتابه----- حتى تجللت لي صروف وعباير-----وأعروض نفسي أمس صارت دعابه-----وأغضيت عن نفس ن تجر الجراير----واللي مفصل من ثيابه هوانه -----ماعاد يانفسي لوحيك أغامر-----عقلي دعاني لاسهمه وأكتتابه

الله ياشيخ فارس
قصيده في قمة العذووبه والجمال
في أنتظااار ابدااااع أخر
تشكراتي

واحس بأحساس ن لسؤ المصاير-----وقضيت ليلي مثل عازف ربابه

أفكار أوردها وألأخرى صداير-----كني مكاتب عدل والا طبابه


صح الله لسانك

جزله من راس جزل

ننتظر القادم

رووووووووووووووووووووووووووعه
الله يعطيك الف عاقيه
أشكرك